本會今次有andyyuen幸能邀請到少年時曾經在沙皮接受小型欖球訓練的前香港欖球代表隊成員袁健濠先生Andy Yuen接受專訪,以下是Andy分享的欖球學習歷程及對香港欖球發展的意見。

沙皮:Andy 你好!大家都知你真係大忙人,除了於現任香港女子欖球隊擔任教練外,亦參與城市欖球會教務工作,而且更是欖球總會高級代表隊水平發展科的其中一位成員,可以話對香港欖球發展不遺餘力。藉著今次訪問機會,希望Andy你能夠分享及簡單介紹一下你嘅欖球學習歷程及對香港欖球發展的意見。此外,亦希望你能夠分享你對沙皮球會發展的睇法

Andy的欖球生涯

沙皮:可否分享一下你的欖球生涯的發展歷程

Andy:我係1991年開始打欖球, 當時係9歲。我係12歲時開始代表香港U13,之後亦曾代表香港U15、U17及U19出賽。我係21歲回流香港後,開始代表香港15人代表隊至2007年。此外,我亦係2003年開始成為香港7人代表隊至2007年。我曾經參與既大型賽事包括15人世界杯外圍賽、15人亞洲杯賽、15人四國賽、2006年度香港國際七人欖球賽,與及2006年度多哈亞運會欖球項目賽事。我係退役後,曾擔任香港女子7人代表隊助教,曾參與嘅大型賽事包括香港國際女子七人欖球賽、 2010年度廣州亞運會女子欖球項目賽事並獲得第四名與及係2013年度全運會女子欖球項目賽事中獲得第四名。我現在是香港體育學院青少年女子欖球隊擔任教練,並帶領該隊在南京青少年亞運中奪得銅牌。

沙皮:在整個過程當中,有沒有一些特別的事情、時間令你作出以欖球為識業的決定?

Andy:當我第一日開始打欖球,訓練完之後我話要一定係將來代表香港隊。之後係14歲時,香港欖球總會頒出香港欖球總會獎學金。係1年後,總會送我去紐西蘭讀書加打欖球,直至20歲便回港。當回港後開始跟港隊練習和做 part time 欖球教練。約一年後開始係香港欖球總會社區發展部做教練,約5年前轉到高級代表隊水平發展科做performance 教練。

沙皮:原來Andy都曾經係沙皮的一員,係真真正正的大師兄,可否分享一下mini rugby對你之後在欖球發展的影響?

Andy:對於我mini rugby 其實對我一生都有好大嘅影響,因為我我宜家一班好朋友都係係mini都識,如果我唔係開始打 mini, 我可能唔會代表香港隊和港隊教練。最重要係可能識唔到我嘅太太,因為我係欖球場認識佢。

Andy對香港欖球的睇法

沙皮:你會甚樣評價現在香港整體的欖球發展?社會大眾對欖球的睇法是甚樣?社會大眾的參與度又如何?

Andy:欖球發展可以講比十至二十年前發展好好多,以前mini rugby比賽可能只係係mini rugby festival, 但係現在係小學,中學,大專都以經有學界比賽。同埋宜家欖球係香港以經有全職欖球員。欖球係社會比經唔係一個運動咁簡單,因為香港人好多人都會係HK7s認識rugby,對於唔係打欖球既人嚟講HK7s係一個嘉年華同埋商業發展嘅機會。

沙皮:你對小型欖球在㰖球運動在社會及社區推廣的功能上有如何評價?

Andy:小型欖球可以幫助小朋友身體健康發展之外,還可以幫助小朋友學習與其他人溝通,群體生活,有助將來在社會生活。

以上是第一部份的訪問。Andy已答應將會於本會練習日親身臨與本會球員會面及暢談對沙皮的印象及意見,請各球員及家長留意本會的通訊獲得進一步有關資訊。機會難逢,請勿錯過!